K-pop idol sipai training-ah an awl dawn bik lo

South Korea sorkarin Pathiannia military reform a neihnaah K-pop idol-te chu sipai training-ah an awl dawn lo tih an sawi thu Korea Times chuan a tarlang. Tun thla tawpah official a puanzar tum a ni bawk.

Tuna dan hman mekah chuan mi thlan bik- Western classical leh Korean traditional music artist-te, Olympic a medal la leh Asian Games a gold medal late chu military service-ah hian an awl ṭhin a ni. Kpop idol te an awl theih bik dawn loh avangin, BTS boyband a mi Jin pawh nakkuma sipai training turah a tel dawn a, ani bakah hian EXO ami Do Kyung-soo pawh sipai training tur zingah hian a tel.  

SKorea ramah hian mipa tawh phawt, kum 18-28 inkar chu sipaiah sorkarin a ṭantir ṭhin a,  Army atan emaw Marine Corps atan thla 18 an training ṭhin. Navy-ah chuan thla 20 chhung training an nei thung a, Air Force-ah thla 22 training a nei ṭhin bawk.