Victoria's Secret Model hluiin Kristian film siam

Kum 17 lek a nih lai aṭanga Maxim fashion model pawh lo ni tawh, Victoria's Secret Model hlui Nicole Weider chuan a nun kaihruaitu tur atan Isua a thlan maibakah, Kristian film ṭha tak a siam.  

Hmanni lawka 'Walmart' leh 'on demand' a Kristian film tihchhuah thar "Catching Faith 2"-ah khan Nicole Weider hi executive producer a ni bawk. He film tharah hian Weider hian 'wedding planner' angin a chang a ni.   

Kum 2015-a siam Catching Faith-a chang­tupa ber Garrett Westton chu a chang leh a, ani bakah hian Lorena Segura York leh Bill Eng­vall-te pawh an chang leh. Director atan hian John K.D. Graham bawk a ni leh a, a script hi Alexandra Boylan leh Andrea Polnaszek-ten an ziak. 

"Kan ramah hian film tam tak zirtirna ṭha si lo a tam em em a, kan ram hian chhungkua a en theih tur film ṭha a mamawh a ni. He film thar hian, inngaihdam tawnna leh inṭhian ṭhatna hlut zia a en tir dawn a ni," tiin Fox News-in an interview-naah Weider hian a sawi a ni.

"Ka nuna ka lung­-ngaih lai takin, ka ṭhian­ṭha pakhat chuan Isua chanchin min hrilh a, chuta ṭang chuan Isua hnenah ka nun pum chu hlan ka duh a, a tawpah chuan ka hlan ta a ni," tiin Weider chuan a sawi bawk. Online-a message hmanga hmeichhe tleirawlte ṭanpui hna tawk ṭhin tu 'Project Inspired'-ah editor-in-chief hna Weider hian a thawk mek bawk a ni.