TV series lamah GoT star Sophie Turner kir dawn

Game of Thrones star, Sophie Turner chuan TV series, 'Survive' a chang turin a sign fel ta. Hei hi GoT series a tawp hnua TV-based project a sign-na hmasa ber a ni. 

'Survive' hi Alex Morel novel beh­chhana siam a ni a, he series-ah hian Turner hi Straight Outta Compton star, Corew Hawkins nen an chang dawn a ni. Romance thriller a ni a, New Jersey-a hmeichhe pakhat, Jane-i'n harsatna a tawh dan, rilru buai enkawlna hmun aṭanga chhuah a nih hnua a harsatna paltlang tura a beih chhoh dante tihlan a ni. 

Kum 23 mi Turner chuan Jane lema a chang thei tur chu lawmawm a tih thu a sawi a, harsatna nasa tak a tawhna karah Jane-i'n a nunna humhim tura a beih dan te, chakna leh huaisenna a neih chhoh dante chuan midangte nunah zirtirna ṭha leh nghawng ṭha tak a neih ngei a beisei thu a sawi.