BTS-te'n Dynmaite MV-a an thawmhnaw hak kha an hralh to

K-Pop band khawvelin a ngaihven Bangtan Boys-te'n nikuma an music video hit tak, record eng emaw zat an break phah hialna 'Dynamite'-a an thawmhnaw hak colorful tak tak kha kan mitthlaah a lang nghalin a rinawm a, Pathianni khan Julien's Auctions-ah khang an thawmhnaw hak kha lilam niin a vaiin $162,500 laiin an hralh.

Thawmhnaw lilama a hlawkna teltu MusiCares chuan heng thawhhnawte hi hralh an beisei aia a let riat laia toa an hralh thu thuchhuah an siamah an tarlang. Japanese art collector Yusaku Maezawa leh YouTuber HIKAKIN-te chu BTS thawmhnaw leitute hi an ni.

Julien's Auctions-ah hian Pathianni khan Snoop Dogg-a 'Doggy Style 25' gold chain chu $96,000 a hralh a ni bawk a,  Coldplay Chris Martin lem Billy Morrison ziah te, Schecter bass guitar Nikki Sixx-a hming ziahna te leh Pete Townsen-a boiler suit pawlte pawh hralh a ni bawk.