Evanescence leh Within Temptation-in European tour nei dun dawn

Evanescene leh Within Temptation chuan nakkumah European tour an nei dun dawn tih an puang. 

Band pahnihte hian nakkum April thlaah World Collide tih hmingin tour hi an nei dun dawn a, April 4-ah Brussels Palais-ah ṭanin, show 12 an nei dawn. April 21-ah Amsterdam-a Ziggodome-ah an tour hi an khar ang. 

Evenescence Amy Lee chuan Within Temptation nena show an nei tur chu a phur tawh thu sawiin, hriatreng tlak a ni dawn a ni, a ti. A hma aṭang pawhin mi tam takin thil eng emaw tak tidun tura an lo ngen fo tawh thu sawiin, an nghah man a awm dawn tatih a sawi. 

Temptation Sharon den Adel pawhin an fan-te tan tour chu 'miss' chi a ni lo tih sawiin, Amy leh band member dangte nena an thawkho tur chu lawmawm a tih thu a sawi. Europe tour neih dun a chak tawh thu leh, hriatreng tlak a nih tur thu a sawi ve bawk. Tour an neihna tura ticket hi September 20 aṭang hian hralhchhuah ṭan a ni ang.