Abhishek, Ajay leh Ileana-ten film thar chang ho dawn

Abhishek Bachchan, Ajay Devgan leh actress Ileana D'Cruz-te chu, Prince film director tia kan hriat lar Kookie Gulati-a film siam thar turah an chang ho dawn. 

Abhishek Bachchan chuan Thawhṭanni khan a instagram-ah film clapboard tilangin a caption-ah Bollywood actor Ajay Devgan leh film director lar Kookie Gulati-te nen film thar an siam tur thu a tilang. 

He film thar tur hi Ajay Devgan chuan a produce dawn a, Ajay leh Abhishek-te hi kum 2012-a "Bol Bachchan" film-a an chandun hnuaa an thawhdun lehna hmasa ber tur a ni.

Mumbai Mirror chuan he film thar tur hi 1990-2000 kuma India financial ruhrel inthlak chungchanga thil thleng tak tak behchhana siam a nih dawn thu an tarlang. He film thar tur hi kumin kum tawp lama chan zawh hman tura beisei a ni bawk.