Amazon-in HD music streaming tlangzarh

Amazon Music chuan music quality ṭha zawk hmanga zai leh rimawi ngaihthlak theihna tur HD music streaming an tlangzarh.

Hla ṭhenkhatah chuan 'Ultra HD' thlengin music a ngaihthlak theih dawn bawk a, hei hi audio-CD aiin a quality a ṭha zawk dawn nia sawi a ni bawk. Music streaming service lian ber zingah Amazon Music hi a tel der tawh a, Apple leh Spotify-te a elphak tawh bakah anni pathum hi online music streaming service inel nasa ber pawh an ni.

Hemi a nih avang hian ṭha zawk leh hmasa zawk nih inchuh zelin Amazon Music hian HD music streaming hi an tlangzarh ta a, anmahni lam chuan 'HD' tia an sawi chhan hi TV lamah hemi term hi hman a lo nih tawh avangin mipuiin an hriatthiam zawk dawn vang niin an sawi. HD han tih hian a file format chu FLAC tho a ni dawn tih an sawi bawk.

HD music ngaithla tur hian subscription fee erawh a sang hlek dawn nia tarlan niin, Amazon Prime customer-te tan chuan thla khatah $16.21 vel a ni dawn a, prime lo tan erawh $18.70 vel a ni dawn thung. Taylor Swift leh Ed-Sheeran hlate pawh Ultra HD-a ngaihthlak theih tur zingah hian an tel niawm tak a ni.