'America's Got Talent' Season 14 Winner Kodi Lee
'America's Got Talent' Season 14 final-ah winner atan Kodi Lee thlan tlin a ni.
Lake Elsinore, California mi Kodi Lee hi mitdel a ni a, chumai a la ni lo, autism(Developmental disorder- Thluakah dik lo a awm avangin kawng hrang hrang ṭawng thlengin an harsat) nei a ni bawk. Heti chung hian America mipuite vote a hmu hnem ber a, finalist thiam tak tak zingah an duh ber a ni.
Mitdel leh autism ni chung hian Kodi Lee hian zai pahin piano a play thei a, Donny Hathaway hla 'A Song for You' a cover avangin judge Gabrielle Union hnen aṭangin Golden buzzer a hlawh chhuak a ni. A inlan tirha a ṭawng dan leh a chezia hmu tan chuan a zai thei ang tih pawh rin a harsa a, mahse a'n zai chiah chu judge-te mak tih pawh a hlawh nghal a nih kha.
Kodi Lee hian $mtd 1 a hlawh a ni. Final-ah hian Leona Lewis nen an perform dun nghe nghe a, autism nei chunga mawi tak maia zai chunga piano a play thei hi thil mak tak a ni a, mite thinlung pawh a hneh reng a ni. 'America's Got Talent' Season 14 grand finale-ah hian Detroit Youth Choir chu pahnihna an ni a, tleirawl zaithiam Benicio Bryant chu pathumna a ni bawk.