P!nk-in Legend of Live Award dawng dawn
Grammy-winning singer leh songwriter P!nk chu Billboard Live Music Summit & Awards, November 5-6-a Beverly Hills-a neih turah Legend of Live Award hlan a ni dawn.
P!nk hi female solo artist zingah Billboard-in touring and live performance-a chawimawina a hlan san ber, Legend of Live Award dawng thei hmasa ber a ni ang. Kum 2018-2019 a Beautiful Trauma tour a neih aṭangin P!nk hian US dollar maktduai 397.3 zet lalutin, ticket maktaduai thum chuang a hralhchhuak a ni. Billboard Boxscore chanchinah kum 10 chhunga tour aṭanga sum lalut tam 10 zingah tel phain, hmeichhia bikah tour aṭanga sum lalut tam ber a ni bawk.
Legend of Live Award hi kum 2006 khan pekchhuah ṭan a ni a, Elton John hnenah hlan a ni. He award dawng tawh zingah hian The Allman Brothers, Ozzy Osbourne, Rush, Journey, Neil Diamond, Lionel Richie leh Bon Jovi-te an tel. Kum 2017 khan Tim McGraw leh Faith Hill hnenah hlanin, nikum khan John Mayer chuan he award hi a dawng bawk. John Mayer hian kum 20 chhungin show 1,000 chuang a nei tawh a ni.