'Big Bang Theory' star pahnihte 'Carla'-ah chang dun leh dawn

 'Big Bang Theory' star, Jim Parson leh Mayim Bialik-te chu Fox comedy 'Carla'-ah an chang duh leh dawn. 

CBS hit 'Big Bang'-ah Sheldon leh Amy lemah hneh taka changin an inkawp a, Shamy tiin an inkawp hming hi phuahsak an ni bawk. 'Big Bang' hi season 12 thleng siam niin, kumin May thla khan a tawp a ni.

'Carla' hi 'Big Bang' ang bawkin studio audience hmaa chan a ni leh dawn a, Bialik hian a title character lem hi a chang dawn a ni. A nu leh paten a pasal neihna tur atan sum an lo khawlsak hmanga Louisville, Kentucky-a cafe a hawn dan te, miin a duh ang zawng zawng a nei thei lo chung pawha hlim taka a awm theih tho dante a lantir dawn a ni. 

 'Carla' hi BBC series, Miranda Hart siam 'Mi­randa' behchhana siam a ni dawn a, Darlene Hunt chu scriptwriter leh executive producer a ni ang.