Essy hla thar 'Ka hawikir lawng'

'Hey' hla hmanga thiam taka Mizo mipuite min lo awi tawhtu Essy chuan hun eng emaw chen a reh vang vang hnu­ah hla thar a tichhuak dawn.

Essy hian a hla thar hi zanin hian a tichhuak dawn a, 'Ka hawikir lawng' tih niin, Rpa Ralte phuah a ni. Video hi BS Pictures kutchhuak niin, video-a makeup artist hi Jey Vee Jongte a ni a, music leh recording hi RP Records kutchhuak a ni thung.

Music Video-ah hian Mizo Dance Camp (MDC)-te chuan puiin, zanin aṭang­in  Zonet-ah en theihin chhawp­chhuah a ni ang. 'Ka hawikir lawng' hi Essy hla pangana a ni a, hlimna lam hla a ni. Essy hian he hla hi nikum lama a buaipui daih tawh kha a ni a, harsatna tam tak karah Pathian zarah a puitlin thei hi a lawm hle tih Vanglaini hrilhin, video siam chhung zawnga buai­puite chungah lawmthu a sawi a ni.