Selena Gomez-i'n Netflix-ah series thar produce dawn

Selena Gomez chuan Netflix-ah series thar 'Living Undocumented' tih a produce dawn. He series thar tihchhuah tur hi 'immigration issue' kaihhnawih a ni dawn a, chhungkaw pariat chanchin a ni dawn nia sawi a ni.

"Kum liam ta aṭang khan ka ngaihtuahnaah 'pem' tih ṭawngkam hi a chhelam sawina deuha kan hman ṭhin vangin, he series 'Living Undocumented' hi ka produce duh a ni," tiin Selena chuan variety.com-in an kawmnaah a sawi.

Selena chuan "Series thar kan tihchhuah thar tur hian document felfai nei lo a pemte'n engtianga harsatna nasa nge an tawh tih chu, huaisen taka an chanchin tak tak rawn thawh phal tute zarah kan hmu thei dawn a ni, a ti.

America rama inbenbel tum, eizawnna ṭha zawk beiseia pem lutte'n engtiang harsatna nge an tawh ṭhin tih chu, he series thar tihchhuah tur aṭang hian kan hmu thei dawn a ni, tiin a sawi.

'Living Undocumented'-ah hian Aaron Saidman leh Anna Chai-te chu co-director turte an ni. Tunlai thil thleng zulzui a ni dawn a, lo thlirtute hnena hmuh tir kan duh ber chu pemten harsatna an tawh dan hi a ni, tiin Saidman chuan a sawi.