TobyMac-a 'Hits Deep Tour' nakkumah

Grammy award pasarih lai la tawh Christian hip hop artist TobyMac chuan nakkumah 'Hits Deep Tour' a nei leh dawn a, United States-a hmun 32-ah tour a nei ang.

Kum 54 mi lai ni ve tawh TobyMac hi Tauren Wells, Jordan Feliz, We Are Messengers, Ryan Stevenson, Aaron Cole, leh Cochren & Co-te chuan an ṭawiawm dawn a, January 30-ah tour 'kick off' hi Beaumont, TX's Ford Park-ah an nei dawn a ni.

Tunhmaa Kristian band lar em em ṭhin 2001-a kehdarh ta 'DC Talk' dintu TobyMac hian nikum khan 'The Elements' album a tichhuak a, hei bak hi album dang a la tichhuak leh lo. Solo-a a kalhran hnuah hian album pariat tichhuak tawhin a hlawhtlin pui em em vek a, a album hnuhnung ber 'The Elements' pawh hi billboard Christian album chart-ah pangana a nihpui phak. 

'Hits Deep Tour' setlist-ah hian 'The Elements' ami mai ni lo, a lo larpui tawh hla lar tak tak a tel a, chung zingah chuan Lose My Soul, Till the Day I Die leh City on Our Knees-te pawh a tel. 'Hits Deep Tour' hi March 29-ah UNO Lakefront Arena, New Orleans, LA-ah kharna an nei dawn a ni.