Variety-in Jennifer Aniston, Awkwafina, Mariah Carey, Chaka Khan, Brie Larson leh Dana Walden-te chawimawi dawn

Variety magazine buatsaih 'Power of Women Luncheon' kumina neih turah Jennifer Aniston, Awkwafina, Mariah Carey, Chaka Khan, Brie Larson leh Dana Walden-te chu chawimawina hlan an ni dawn.

He huna tel tur hian mi 600 chuang sawm an ni a, October 11 hian Beverly Wilshire Four Seasons hotel-a neih tur a ni. Automobile manufacturer Audi leh Moroccanoil Company-te chuan he programme hi an sponsor ang.

Variety editor-in-chief Claudia Eller chuan, "Hmeichhiate dinhmun chawisan an nih theih nan leh, midangte ṭanpui kawnga phurna hmeichhiate zingah a awm theih nan Power of Women hi buatsaih ṭhin a ni a, he hunah hian hmeichhiate chawi­mawina hlan ṭhin an ni," a ti.

Kumina 'Power of Women Luncheon' hman turah hian Variety leh Lifetime Television-te chu an thawk dun dawn a ni. He hunah hian American actress Jessie Mueller chuan an film thar 'Patsy and Loretta' tiha an hla a rawn perform dawn a ni.

Variety group publisher leh chief revenue officer ni bawk Michelle Sobrino-Stearns chuan, "He programme kan buatsaih tura Lifetime kan thawhpui tur hi ka lawm em em a, an tel lo chuan kan ti thei lo a ni," a ti.