Korean zinga Gucci global ambassador hmasa ber tur 'Kai'

K-pop Boy band EXO member zinga mi Kai chu Korean mipa zinga a hmasa ber ni turin, Italian luxury brand Gucci fashion chuan an Korean global ambassador atan a ruat.

Chinese actress Ni Ni, British musician Harry Styles leh midangte hnung zuiin, tunah chuan Kai hi brand global ambassador a ni ve ta. Gucci director Alessandro Michele chuan, "Asia aṭangin Kai leh Ni Ni hi Gucci fashion company glo­bal ambassador atan ruat an ni," a ti.

"Italian luxury brand's 2019 Fall/Winter eyewear campaign" photo shoot-ah Kai hi an hmang nghal bawk. EXO boy band chuan twitter-ah, an member Kai global ambassador thar a ni chu an lawmpuina thu tarlangin a thlalak an tarlang bawk a ni.