HONTRADE INTERNATIONAL ṬHAZUAL LENGZEM No.1-ah Thawhlehnaniropuia 'I tan ka hlan e'

Hontrade International Ṭhazual Faknaah Thawh­lehnaniropuia 'I tan ka hlan e' tluk zo an awm lo a, dinhmun ṭha berah a ding. Hmingtea Chhangte 'Isua hmel' chu pahnihna niin Lalremruati (Naemi) 'Intlansiakna' chu pathumna a ni bawk.

Thawhlehnaniropuia hla thar ber 'I tan ka hlan e' hi amah Pui­puia phuah ngei a ni a, Ṭhazuala pakhatna a nihpui thei hi ama tan pawh hian a hlu hle ngei ang.

He hla nalh tak mai hi a music video pawh a hmuhnawmin, Puipuia hian a sa thiam hle bawk a, hei vang hian ngaithlatute pawhin an hlut hle tih a hriat.  Music hi Kima Chhangte siamsak a ni a, recording pawh Kima kutchhuak tho hi a ni. Music Video hi Te-a chhakchhuak (Te-a Video Production) kutchhuak a ni bawk a, a hmuhnawm viau pawh hi a mak hran lo.

July thlaa a hla a tihchhuah aṭang khan Ṭhazualah chart-ah a lang nghal thuai a, hmasawn zelin tunah chuan dinhmun ṭha ber a rawn luah thei ta a ni. Puipuia hi 'Tlangvaltea' ni tawh mai loin a tlangval tak tak tawh a, Hrangbana College-ah kalin a aw pawh a puitling tawh hle tih he hla aṭang hian a hriat theih a ni.

Hmingtea Chhangte 'Isua Hmel' chu a hit chhunzawm zel a, he hla hi faklam velah pawh an hmang nasa hle tih chu mitin hriat a ni. Chart hmasaah khan paruknaah awmin tunah chuan pahnihnaah a rawn inhlangkai der tawh a, hei hian a hit zia a hrilhfiah a tih theih ang.

Lalremruati (Naemi), hun rei tak a reh hnua hla thar a rawn tihchhuah leh 'Intlansiakna' chu pathumnaah a rawn invawrh bawk, chart hmasaah khan pangana a ni a, tunah erawh pathumnaah a inhlangkai tawh a ni. Hmingtea leh Naemi-te hian chart-ah dinhmun an sawhnghet zel a, an hmabak pawh a eng hle niin a lang.

Lalnunhlua Chhakchhuak 'Kross Lerah' chu palinaah awmin chart hmasaa pakhatna The Prophets 'Mangang Authawm' chu panganaah a awm bawk.

1    Thawhlehnaniropuia    I tan ka hlan e

2    Hmingtea Chhangte    Isua hmel

3    Lalremruati (Naemi)    Intlansiakna

4    Lalnunhlua Chhakchhuak    Kros Lerah

5    The Prophets    Mangang Authawm

6    Sawmtea     A va mak em

7    Malsawmdawngkimi    A lo kal thuai dawn

8    Lalthlengliani    Jehoba Elohim

9    Lalhmangaihzuali (Nunui)    Hremhmun

10    H. Laltharzuali    Chawimawi che ka duh