Academy Awards sem turah 'Gully Boy' tel dawn

Film Federation of India (FFI) chuan Academy Awards (Oscars) nakkuma sem tura 'Best International Feature Film category'-ah Indian musical drama film 'Gully Boy' a telve dawn thu kar kal ta Inrinni khan a puang.

He film-ah hian Bollywood actor Ranveer Singh leh actress Alia Bhatt-te chu an chang dun a, director atan Zoya Akhtar hman a ni. Kumin Valentine's Day ni khan he film hi an tlangzarh. Uluk taka Film Federation of India-in India film 10 chuang a thlan khawm aṭanga  'Gully Boy' thlan chhuah nalh a ni hi a lawmawm rualin, sawiseltu pawh an awm nual bawk. He film hian khawvel pumah $ mtd 37 a la lut tawh.

'Gully Boy' film hi Mumbai khawlaia 'rap music' tuipui takin khawvel huapa langpha tura a beihna chanchin tarlanna film a ni. Nakkum Feburary thlaa Academy Awards vawi 92 semna tura nomination a hmu hi a awm lo hran lo.

FFI hian Academy Awards-a 'Best International Feature Film category' atan hian India film - Mother India (1957), Salaam Bombay (1988) leh Lagan (2001)-te chu award la thei turin a lo thehlut tawh bawk a ni.