Emmy Awards Fleabag tluk zo awm lo

71st Primetime Emmy Awards chu nimin zing (anmahni huna Pathianni zan) khan  Microsoft Theater,  Downtown Los Angeles, California-ah sem niin nikum June 1 aṭanga kumin May 31 inkara U.S. prime time television programme-a che ṭhate hnenah award hi an hlan.

Kuminah hian a ṭum lina atan host nei loin award hi an sem a, 2003, 1998 leh 1975 pawh khan host nei loin an lo sem tawh. Kumin hian Fox chuan award sem programme hi broadcast-in June 16 khan nomination list tihchhuah a lo ni tawh bawk.

Game of Thrones chu nomination hmu tam ber niin category 14-ah lai nominate a ni a, award semnaah erawh Fleabag che ṭha berin award pali a hui thung. 

Fleabag hian Outstanding Comedy Series, Outstanding Lead Actress in a Comedy Series, Outstanding Directing for a Comedy Series leh Outstanding Writing for a Comedy Series award-te a hui.

Outstanding Lead Actress in a Comedy Series hi Fleabag actress  Phoebe Waller-Bridge chuan a la a, Outstanding Directing for a Comedy Series  hi 'Episode 1'-in lain Harry Bradbeer kutah hlan a ni. Outstanding Writing for a Comedy Series pawh Fleabag 'Episode 1' tho hian a la bawk.

Nomination 14 lai hmu mah se beisei erawh a pha ta lo tiin a sawi theih ang. Game of Thrones chuan award pahnih a la a, hetichung hian award la hnem ber pawl a la ni tho. 

Oustanding Dramma Series a lak bakah Outstanding Supporting Actor in a Drama Series chu GoT star Peter Dinklage kutah hlan a ni bawk. GoT bakah hian The Marvelous Mrs. Maisel chuan award pahnih a la ve bawk a, Outstanding Supporting Actor in a Comedy Series leh Outstanding Supporting Actress in a Comedy Series-te an la a ni.

Sawi hmaih loh tur Saturday Night Live 

Saturday Night Live chuan Outstanding variety Sketch Series a la bawk a, TV show hit tak tak tamna ram US-a Saturday Night Live-in award a la thei hi a namai lo. 

Outstanding Variety Talk Series-ah Jimmy Kimmel Live! chu nomination zingah awm mah se HBO hnuaia tihchhuah ṭhin Last Week Tonight with John Oliver chuan a la thung a a ni.