Metallica-in concert hun tur puang

American heavy metal band Metallica chuan nakkum March 28 hian San Francisco hmuna Masonic Center-ah, "All Within My Hands Foundation Helping Hands Concert And Auction" an ṭan leh dawn thu an puang.

He concert hi America rama zirlaite'n zirna kawnga hma an sawn theihna tur leh, chaw khamkhawp eitur nei lote ṭanpuina kawnga midangte tih phur an nih theih nana buatsaih a ni dawn.

"All Within My Hands Foundation Helping Hands Concert And Auction" hi kum 2017 aṭanga kalpui ṭan a ni a, nikum chhung khan USD mtd 1.3 he concert aṭanga sum hailuh a ni. He pawisa an hmuh hi zirna in tihchangtlun nante leh, chaw khawp kham lo te ṭanpui nana a hman a ni bawk.