‘The Little Things’ sum lakluh a tam ber
Box Office-ah Denzel Washington leh Rami Malek-te channa crime thriller film ‘The Little Things’ chu sum lalut tam ber a ni a, The Croods: A New Age chuan dawtin Wonder Woman 1984 chu sum lalut tam pathumna a ni.
'The Little Things' a te lo
Denzel Washington, Rami Malek, Jared Leto leh Natalie Morales-te channa ‘The Little Things’ hi January 29 khan US-ah tlangzarh a ni. He film siamna atan hian $makatduai 30 lai an seng a, kar tawp liam taah khan North America Box Office aṭangin $4,700,000 a lalut. Sum lalut tam ber a ni a, theatre 2,171 aṭangin hetiang zat sum hi a lalut a ni.
Theatre-a en theih tura tlangzarh a nih rual hian HBO Max-ah thla khat chhung stream theih turin an dah tel bawk. 'The Little Things' hi ram dangah pawh tlangzarh a ni tawh a, chung zingah chuan Russia, Saudi Arabia, Taiwan leh United Arab Emirates-te pawh telin heng ram aṭanga a lakluhte nen hian $mtd 7.6 chuang a lalut tawh.
The Croods: A New Age a dinhmun ngaiah
Kar hmasaa pahnihna The Croods: A New Age bawk pahnihna a ni leh a, theatre 1,901 aṭangin $1,300,000 a lalut a ni.
Wonder Woman 1984 chu sum lalut tam pathumna niin theatre 1,864-ah pek chhuah leh a ni a, $1,300,000 a la lalut thei bawk.
Top 10-ah film thar dang a awm lo
'The Little Things' hi Box Office chart top 10-a film thar lang awm chhun a ni. Kar hmasaa pakhatna The Marksman chu palina a ni a, Monster Hunter chu sum lalut tam pangana a ni bawk.
Box Office Mojo-in chart a siamah film 24 tarlan a ni a, 11-na Supernova chu film thar ni bawkin 19-na The Night chu film tlangzarh thar a ni bawk a; 22-na Tomato Red: Blood Money chu film thar a ni bawk. Heng bak hi chu film tlangzarh thar a awm lo a, chutih rual chuan film tlangzarh nawn leh erawh a awm nual thung.
Box Office Top 10:-
1 The Little Things $4,700,000
2 The Croods: A New Age $1,817,770
3 Wonder Woman 1984 $1,300,000
4 The Marksman $1,251,590
5 Monster Hunter $735,228
6 News of the World $542,280
7 Promising Young Woman $265,635
8 Fatale $217,721
9 Our Friend $152,284
10 The War with Grandpa $141,333