MDM-in YouTube royalty semchhuak

Music Domain Mizoram (MDM) chuan an YouTube channel aṭanga an sum hmuhte chu, zaithiamte hnenah a boa bang awm loin an sem chhuak leh ta. 

Tun ṭuma MDM YouTube royalty hi Rs. 70,491 a ni a, MDM artist engemaw zatin an dawng MDM YouTube channel-ah hian library-a music video-te chu upload niin, chuta ṭanga pawisa lutte chu zaithiamte hnenah hian an pe chhuak ve leh ṭhin a ni. YouTube channel aṭanga a sum hmuhchhuah tawh zawng zawng hi Rs. 201,092 a ni. 

MDM hian kum 2013 aṭang khan an library aṭanga music video hmangtuten an hman man an pek aṭangin thla tin royalty an semchhuak ṭhin bawk. Tun thleng hian zaithiamte hnenah thla tin an la semchhuak reng a, zaithiamte pawhin an ṭangkaipui hle a ni.