Ryan Reynolds an zai rih dawn lo

Canadian actor Ryan Reynolds chu a ban zai tura tih ni mah se, China lamah kal phawt a duh avangin an zai leh rih dawn lo. 

Deadpool star Ryan Reynolds hi film an chan laiin a chesual palh a, zai tura tih a ni. Tun Pathianni kha zai hun tura an tih chu a ni a, mahse 'Deadpool 2' promotion nei tura China pan a ngaihpawimawh zawk avangin a cancel a ni. Shooting an neih laia a tihnat tawh ni mah se, an zai hun tur pawh a la chiang leh thei lo a ni. 

Kum 42 mi Ryan Reynolds chuan, "Inzai aiin China pan phawt hi a pawimawh zawk a, kal lo thei ka ni lo" tiin, Deadpool 2 tih lar chu a ngaihpawimawh zawk thu a sawi. Ryan Reynolds hian a duh ang ngeiin China chu a pan ta a, Beijing-a amah lo hmuaktu mi tam tak hmah thu a sawi thei ta a ni. Ryan Reynolds hian lawm a hlawh hle a, bawrtu pawh a ngah hle. 

Deadpool 2 hi nikum khan tlangzarh a ni a, China lamah chuan mipui nawlpui en theih turin an chhuah ṭan ve dawn chauh a ni. Deadpool hi a thar a chhuak leh dawn a, Deadpool 3 : Little Bitchy Bitch tih a ni ang. Tlangzarh hun tur erawh tarlan a la ni lo thung.