Adriana Lima leh Metin an inṭhen

Brazilian supermodel Adriana Lima leh a bialpa Metin Hara-te chuan an inṭhen thu an puang a, kum khat chuang awrh chauh an inzui hman a ni. 

Victoria's Secret angel Adriana Lima leh Turkish author Metin Hara-te hi 2017 kum laihawl vel aṭang khan an inzui ṭan a, mipui hma-ah pawh an inlan dun zauh zauh. Mahse Metin Hara zawk hian an inkar hi tihtawp a duh a, an inṭhen ta niin khwthlang media-te chuan an tarlang. 

Kum 36 mi Metin Hara hian Adriana Lima (37) nen an intawn tirh hian 'Luckiest Man On Earth' tih ṭawngkam a lo hmang zauh tawh a, a vanneihna hian a daih rei ta lo hlauh a ni!

Adriana Lima hi Serbian basketball star Marko Jaric nen 2009 khan an innei a, fa pawh pahnih an nei hman. Mahse 2016 khan an inṭhen a, hemi hnu hian Metin Hara ṭang hi a bel a - rei erawh an daih leh ta chuang lo a ni. 

Adriana hian kum 20 dawn a lo inlan tawhna Victoria's Secret Fashion Show-ah inlan a tum tawh loh thu a lo puang tawh bawk a ni. Brazillian model hi Victoria Secret Fashion Show-ah hian ṭum 19 zet a inlan hman a, nikum November khan mittui nen a chawlh thu hi a puang ta a ni.