Russia-ah Facebook leh Twitter khap dawn em?

Russia sorkar an ramah Facebook leh Twitter hman khap a nih mai theih thu an puang leh ta. Kum 2017 October thla khan he thu hi a lo puang tawh bawk a, tun thlengin khap a la ni lo thung. 

Russia communications regulator, Roskomnadzor chuan hemi chungchang hi tun hnai khan a sawi chhuak a, an beisei anga company-in hma an la lo a nih chuan an khap mai theih thu a puang a ni. Russia sorkar chuan social media giant pahnih - Facebook leh Twitter-te hi personal data him lo chungchangah a lo khak fo tawh a, hma la tur pawhin a ngen tawh bawk. Mahse a chhanletna erawh an beisei angin an hmu ṭha lo a, hei vang hian a in hroasa mek a ni. 

Facebook leh Twitter-te hi kum 2016-a U.S president thlanah khan thuk takin an inrawlh niin Russia chuan a ngai a, insawifiah tur pawhin a ti. Mahse finfiahna engmah awm lo a nih avangin company lam chuan insawifiah an tum loh thu an puang. Hei vang hian 2017 October thla khan Russia sorkar chuan block-ah a lo vau tawh bawk a ni. 

Tun hnaia zirchhianna-ah chuan Facebook chu mipui tana him tawk lo leh, personal data thlenga rukchhuah theihna a nih thu tarlan a ni bawk.