Iraq war kawngzawha Ka tel ve lo ka inthiam lo : Keira Knightley

English actress, Keira Knightley chuan UK-a Iraq war protest naa a kal theih loh avangin a inthiam loh thu British newspaper The Observer-ina interview a neihnaah a sawi.

The Observer-in an kawmnaah Keira chuan, "Iraq war duhlohna kawng zawh, 2003 kuma London-a huaihawt a nih khan tel ve ka duh lutuk a, mahse Pirates of the Caribbean film shooting America-a kan neih lai a nih avangin ka tel thei ve lo a ni," a ti. 

Al-Qaida firfiak ten kum 2001 September 11-a US-a World Trade Center Twin Towers thlawhtheihna hmanga an tihchhiat vangin US leh a lam ṭang ram ṭhen­khatte chuan phuba lak a nih theihnan indona thu an puang a, mahse khawvelah ralmuanna a awm theih nan mipuite'n indo duh lohna kawng an zawh a ni.

"Makeup bus-a ka ṭhut laia mi titi ka la hriat reng chu, 9/11 vangin Iraq chu kan ramin a do let ve dawn a ni, an ti a. Kei chuan ngawiteh u, Iraq an inrawlh ve lo a nia," tia ka chhan kha ka la hre reng tiin Keira chuan interview a neihnaah a sawi bawk.