BTS RM-a'n zirlai beng ṭha lote ṭanpui

Seoul Samsung School zirlai, beng hriatna ṭha lote ṭanpui nan BTS leader RM chuan $80,000 a thawh.

Korea Times chuan RM hian a piancham pualin he 'donation' hi a pek thu an tarlang. School thuneitu pakhat chuan zirlai bengṭha lote'n music an tuipui ve theih nan ṭanpuina hi RM hian a pe tih a sawi. Seoul Samsung School hi beng hriatna ṭha lote luhna a ni a, tunah hian zirlai 120 an nei mek a, pre-school aṭanga high school thleng a awm a ni.

Heng bakah hian BTS boy band-te hian midangte ṭanpui hna hi an thawk fo a, nikuma an album 'Love Yourself: Tear' copy an hralh­na aṭanga pawisa an hailuh 3% chu donation-ah an pe bawk a ni.