MDM Circle of Music Meet zaninah
Music Domain Mizoram (MDM) chuan zanin dar 8-ah hian a vawi kuana turin Circle of Music Meet Aijal Club-ah an hmang dawn.
He hunah hian khuallian atan Dr. Vanlaltanpuia, MLA, Chairman, Youth Commission a ni dawn a, kum danga an lo tih ṭhin angin an member kum khat chhung a criteria hrang hrang aṭanga teha chawimawina dawng theite hnenah Award hrang hrang: Artist of the Year - Gospel leh Lenglawng/ lengzem, Group/ Duo of the year, Life Time Achievement Award-te an sem leh dawn a, kumdanga la sem ngai loh New Artist of the year - Gospel leh Lengzem/ lenglawng bakah MDM channel a Music Video million viewer nei pha chinte hnenah chawimawina an pe bawk dawn a ni.
MDM Cirlce of Music Meet-ah hian Mizoram Rural Bank chu main sponsor niin, hemi zan hian MDM member kal a duh apiangte hnenah an bank offer hrang hrang - two wheeler, 4 wheeler loan, pension scheme, insurance tlawm si, ṭha si, etc. te hlui turin an kal chilh dawn bawk. Light leh sound Wave Records & sound rental chuan a thlawnin Light & Sound system a chhawpchhuak dawn bawk.