Kylie Jenner Damloh vangin Paris Fashion Week-ah tel thei dawn lo
Vawiina neih tur Paris Fashion Week-ah a cosmetic brand Kylie Cosmetics leh Olivier Rousteing-te thawhdunna tlangzarh ni dawn mah se Kylie Jenner chu a damloh vangin a tel thei dawn tlat lo.
Kylie Jenner pawhin hei hi sawichiang tawhin a damloh avanga a tel thei lo tur chu hrehawm a ti hle. Kum 21 lek la ni mah se khawvelin tunge a nih an hriat Kylie hian a Twitter-ah hemi chungchang hi tarlangin a rilru a nat thu leh a rilru erawh Paris-ah a awm reng tih a sawi.
Olivier nena thawhdun chu a suangtuahna a nih ṭhin thu sawiin runway atan mai a nih dawn loh thu a sawi bawk a ni. Kylie hi a damlohna avangin damdawi-inahte pawh an hruai hial a, Emmy Awards semnaah pawh khan tel tura tarlan ni mah se a tel thei lo tawh bawk.