Amitabh Bachchan-a'n award dawng dawn

Bollywood superstar Amitabh Bachchan chuan Dadasaheb Phalke Award a dawng dawn. He award hi 'cinematic art' lama India sorkarin chawimawina mimal hnen­a a hlan theih sang ber a ni. Amitabh hnenah hian chhuan hnih thlenga midangte tiphur zawng leh chawk phur thei zawnga 'cine­matic art' lama a hma­lak­na avangin an hlan dawn a ni.

Union Information and Broadcasting Minister Prakash Javadekar chuan a twitter-ah, "Amitabh-a award dawn tur hi kan ram mai bakah khawvelin a lawm­pui hle a, ka thinlung tak takin ka lawmpui a ni," a ti. Indian cricket legend Sachin Tendulkar chuan Amitabh-a'n he award a dawn tur hi a twitter-ah lawmpuina thu leh phu a tih thu a ziak. Mumbai Police-te paw'n Amitabh an lawmpui thu an sawi bawk.

Bollywood actor Anil Kapoor pawhin Amitabh-a lawmpuina thu a twitter lamah a ziak a, ani bakah hian milar dangte pawhin lawmpuina thu social media lamah an sawi chhuak nual. Amitabh hi kum 1970 chhoa a film chan - Zanjeer, Deewaar leh Sholay aṭanga rawn lar chho a ni a, Angry Young Man, Shahenshah of Bollywood, Star of the Millennium leh Big B tihten hminglem vuahsakin an ko ṭhin a ni.