Princess Beatrice leh Edoardo Mapelli Mozzi inhual

British royal family member Princess Beatrice chu property developer Edoardo Mapelli Mozzi nen an inhual.

An inhual thu hi Ningani khan Beatrice-i nu leh pate chuan an sawi. Nakkuma innei turin ruahmanna an siam a, mahse an inneih hun tur tak erawh an la sawi lang lo. Princess Beatrice hi Queen Elizabeth II tunu a ni a, Princes William leh Harry-te first cousin a ni.

Princess Beatrice leh Mozzi-te chuan an inneih hun tur chu an nghakhlel hle tih an sawi chhuak ve bawk. Kum 2016 khan a bialpa Dave Clark nen Princess Beatrice hi an inṭhen a, nikum November aṭang khan Mozzi nen hian an inzui ṭan nia hriat a ni.