Nakkum Super Bowl half-time show a pui dawn Shakira leh Jennifer Lopez an che dawn
American-te game ngaihhlut National Football League (NFL) championship 'Super Bowl' half time show nakkum February 2-a Miami Hard Rock Stadium-a neih tura headline tur chu tihchian a ni der tawh!
An zaithiamna leh an chhiat lohna chuai thei lo- Shakira leh Jennifer Lopez chu half time show headline tur an ni dawm.
NFL lam pawhin hemi chungchang hi an tichiang tawh a, Shakira leh Lopez pawhin an twitter-ah sawichiang ve tawh bawkin an phur tawh hle. Nakkum lam chu Latin American lamin half time show an thunun dawn a nih hmel a, an zei dun bawk a an chetla vel pawh hmuh a chakawm tawh hle a ni.
'Super Bowl' half time show hi khawvela show ngaihven leh ngaihhlut ber pawl a ni a, entu an tlahniam nasa hle nia sawi a ni chungin kuminah khan mi maktaduai 98 zetin an la en tho a ni.
Kumina perform turah khan sawiselna leh neuh neuh a tam hle a nih kha, chutiang karah chuan Maroon 5, Travis Scott leh Big Boi-te hit takin an perform tho a nih kha.
Shakira leh Lopez hi English leh Spanish chart-a an hla 'top' thei ve ve ngat kha an ni a, rapper leh sumdawng mi 'Jay Z' Carter entertainment company Ro Nation produce-na hnuaia perform hmasa ber tur an ni dawn ta a ni.
Super bowl half time show hian 2015 khan entu a la ngah ber a, mi maktaduai 120.7 zetin an en a ni. Hemi ṭum hian Katy Perry performance a pui hle bawk.