Tom Hanks hnenah lifetime achievement award hlan dawn

Forrest Gump actor, kum 63 mi Tom Hanks chu nakkum January thlaa Golden Globes semnaah chawimawina sang, Cecil B DeMille lifetime achievement award hlan a ni dawn. 

Lifetime achievement hi kum 1952 khan pek ṭan niin, director Cecil B. DeMille hnenah pek a ni a, hemi hnu  hian a hming hi chawitir chhunzawm a ni. He award hi entertainment khawvela thawh hlawkte hnenah hlan ṭhin a ni. Nikum khan Jeff Bridges chu he chawimawina hi hlan a lo ni tawh bawk. 

Hollywood Foreign Press Association presi-dent Lorenzo Soria chuan chawi­mawina dawng tura Tom Hanks thlan a nihna chhan a sawiah, "Kum 30 chuang zet chu a lemchan thiamna hmangin mipui rilru a hneh sak a, an lem a chante chu kan ngainain kan ngaisang thei hle a ni. Lemchan thiam a nihna bak­ah writer, producer leh director ṭha tak a ni bawk," a ti. 

Tom Hanks hian a lemchanna aṭang hian Academy Awards pahnih, Golden Globes pali, Emmy Awards pasarih leh Screen Actors Guild Award pahnih a lo ta tawh a ni. Oscars-ah ṭum hnih Best Actor award dawng thei awmchhun a ni bawk a, kum 1993-ah Philadelphia leh 1994-ah Forest Grump vangin mipa lemchan thiam berah thlan a ni lo tawh a ni.