Billboard Chart-a 1-na hauh rei ber 'Old Town Road'

Rapper Lil Nas X-a hla 'Old Town Road' chuan Billboard Hot 100 Chart pakhatna chu kar 17 a hauh a; pakhatna ni rei ber record a siam.

Billboard Hot 100 Chart hi kum 60 a tling tawh a, kum 1995-96 inkar khan Mariah Carey leh Boyz II Men's-te zai dunna One Sweet Day chuan kar 16 zet pakhatna dinhmun a hauh tawh. Kum hnih liam ta khan Luis Fonsi, Daddy Yankee leh Justin Bieber te hla 'Despacito' pawhin kar 16 a luah ve bawk a, 'Old Town Road' hian 'Despacito'-in a nih rualpui 'One Sweet Day' chu a rawn khum ta chiah a ni.

Lil Nas X-a hla 'Old Town Road' hi nikum December 3 khan tih­chhuah a ni a, a hla hi radio aṭanga movie trailer leh social media thlengin a lar hle. 'Old Town Road' hla hi Lil Nas X-a album '7' zinga mi a ni a. He album-ah hian tunlai a hmeichhe rapper lar ber tia chhal ngam Cardi B bakah hla phuah thiam leh record producer tawnhriat nei ṭha Ryan Tedder-a'n an pui bawk a ni.