HT Lalthanzami hla thar a hnai

'Tawk rawh se, anka nem' tih hla thiam taka satu HT Lalthanzami chuan hla thar a tichhuak dawn.

Lalthanzami hla thar tur hi 'Nunhlui' tih a ni dawn a, tunkar chhung hian Zonet lamah tihchhuah hman beisei niin karleh lamah chuan YouTube lamah a duh apiang tana thlira ngaihthlak theihin a awm ang.

'Nunhlui' hi Nupuii Hauhnar phuah a ni a, music video chu  Damnaa Chawngthu kut chhuak a ni dawn.

Lalthanzami hla thar hi hla lungkuai tak, a sak thiam zawng tak a ni leh dawn. Ngaihzawng duh tak nena inṭhenna lam hla niin inṭhen tawh mah se lunglen a reh theih chuan loh thu tarlanna hla a ni. A music video 13-na tur a ni tawh dawn bawk.

A hla tihchhuah apiang a hit zel emaw tih mai tur a ni a, a hla tihchhuah tawh ho chu YouTube-ah mi nuai thum nual li chuangin an thlir fur tawh a, ṭhenkhat phei chu maktaduai chuangte'n an thlirin an ngaithla tawh a ni. Tuna a hla thar tihchhuah tur pawh hi Mizo rilrem zawng tak a ni leh dawn a, ngaihthlak a hlawh leh viau ang tih a rinawm.