Woodstock 50 festival an ṭhulh

Woodstock 50 festival neih tur chu ṭhulh a nih thu official-a puanchhuah a ni ta. 

Festival organizer-te chuan Nilaini khan August 16-18 chhunga neih tura ruahman, Woodstock 50 hi ṭhulh a nih thu an puang. 

Organiser-te hian festival nei tura an inbuatsaihna kawngah hian harsatna chi hrang hrang an tawk a, festival neihna tura ruahmanah phalna an hmu thei lo a, sum lama puitu turte an hloh zel bakah festival-a inlan tura tihfel eng emaw zatin an ṭhulh san bawk. Hei vang hian thla li zet an buaipui hnuah an ṭhulh ta a ni. 

Festival co-founder Michael Lang chuan harsatna hrang hrang awm vanga festival neih a ni thei dawn ta lo chu pawi a tih thu a sawi. 

Woodstock 50th anniversary puala festival ropui tak bautsaih tum a nih thu hi March thla khan Lang chuan a lo puang tawh a ni. A tirah chuan kum 50 liam taa festival neihna hmasa ber aṭanga km 185-a hla,  Watkins Glen, New York-a Watkins Glen International racetrack-a neih tura tih a ni a, April 22 aṭanga ticket hralhchhuah ṭan tura tih a ni bawk. Mahse festival neihna tur hmun hi sawnin, ticket hralh hun pawh tihtlai a ni. Hemi hnu hian Columbia, Maryland-a Merriweather Post Pavilion-ah neih a ni dawn tih an sawi leh a, mahse hei pawh hi ṭhulh a ni leh ta a ni. 

Woodstock 50 lawmna hi neih tum a ni tho. Woodstock original site, New York-a Bethel hmunah annivesary lawmna lian tham lo tak buatsaih tum a ni a, he hunah hian Ringo Star, Santana leh Fogerty-te an perform dawn.