Arini, Mami & Sylvia-te hla thar

Lalrinmawii (Arini), Sylvia Malsawmkimi &  Lalchhuanmawii (Mami)-te chuan zanin hian hla thar 'I Hmangaihna' an tichhuak dawn a, Zonet lamah thlira ngaihthlak theihin a awm ang.

'I Hmangaihna' hi PB Lalbiakzuala hla phuah a ni a, Home Fee Music Production produce tur niin Kima Chhangte leh Peka te chuan music an siam sak a, video chu Mawitea (RDS Shots) kut chhuak a ni thung.

LR Cottage ,Lawipuah Shooting hi an nei a, Wardrobe hi Tlani_boutiqo  niin makeup hi Sawmtei & Lanfel te an ni bawk. He hla hi Pathian hmangaihna ropui zia tarlanna hla a ni a, ni leh thla leh arsi êng te chuaiin, thildang zawng zawng hi chuai mahse Pathian hmangaihna chu a pangngai reng dawn a ni tih puanchhuahna hla a ni. Pathian hmangaihna vanga Ranthleng leh Kraws kaltlanga malsawmna kan dawn ropui zia leh chu hmangaihna avanga kan chan tur Vanram thlirna hla ṭha tak a ni.

MDM library-ah dah luh a ni tawh a, Arini YouTube channel-ah karleh lamah thlira ngaihthlak theihin a awm bawk ang. Arini hi chu inhmelhriat tir hran a ngai tawh lo, a zai thiam zia Zoram mipuiin kan hria. Sylvia Malsawmkimi hi K Hminga hla 'Vaivut Chu Vaivutah' tih thiam taka satu kha a ni a, Praise On aṭanga hmel hriat kan awm nual tawh bawkin a rinawm. Anni pathum zai hi a ngaihnawm dawn tih a chiang a, ngaihthlak a manhla hle dawn a ni.