Elizabeth Olsen leh Robbie Arnett an inhual

Avengers: Endgame actress Elizabeth Olsen leh a bialpa Robbie Arnett chu kum hnih chuang an inzui hnuah an inhual thu E! News-in a puang.

Kum 2017 February khan Elizabeth leh Milo Greene pop band-a mu­sician Robbie Arnett-te hi Mexico-ah an hmu dun a, March thla khan New York khawlaia an inkai lai hmuh an ni leh. An inngaihzawn thu hriat a nih hnuah Gersh pre-Emmys party-ah a vawi khat nan mipui hmaah an inlan. Tunah chuan an inzui tih ve ringawt ni loin an inhual thu hriat tur a awm ta a ni.

Elizabeth hian a hmain Narcos actor Boyd Holbrook chu kum 2014 khan inhualna a lo neihpui tawh a, mahse a kum lehah an inhualna a titawp. Boyd pawh hian hmangaih tawngin nikum khan Tatiana Pajkovic nen an innei a, hemi kum vek hian fapa duhawm tak an nei a ni.