Gospel music news Good Morning America-ah Amy Grant

Christian music icon Grammy award paruk lai la tawh, Amy Grant chu Nilaini lo awm turah hian ABC Good Morning America-ah a perform dawn a, 'Every Heartbeat' a sa ang.

Nikum nipuiah khan Amy Grant hi a lung an zai a, khami hnu khan mipui hmaah a la zai leh lo. Nilainia a zaina tur hi a lung zai a nih hnua mipui hmaa a zai lehna hmasa ber tur a ni. 

Good Morning America-a a zaina tur hi American Heart Month hriatrengna pual a nih dawn bakah a blockbuster album 'Heart In Motion' kum 30 tlin lawmna pual a ni tel dawn.  Nikuma a lung zai a nih hnuah khan vantlang hmaah a la inlan tam vak lo a, August thla tawp lamah khan Robin Roberts show-ah a inlan a, hemi hnu hian mi hmuhah a inlan tam vak lo.

A album 'Heart In Motion' kum 30 tlin kum a ni bawk a, kumin chhung hian Grant hian a thil tawn hrang hrang share te, thil special tak tak tlangzarh te, behind-the-scene thlalak phawrh leh interview tam zawk neihte a tum a ni.