Super Bowl Halftime show-a Vawi khat aia tam perform tawhte

India ram huna tukin zing (khawthlang ram hunah chuan nizan) khan Super Bowl LV,  55th Super Bowl chu neih a ni a, entertainment khawvelin a ngaih hlut em em an halftime show-ah Canadian singer The Weeknd chu a inlan.

Super Bowl Halftime show-a perform thei nih hi zaithiamte pawhin an chak a, an ngaihlu bawk. Chutiang show ropuiah chuan vawi khat aia tam perform tawh an awm nual. 

Latin music superstar Gloria Estefan kha ṭum thum lai a inlan a, Super Bowl Halftime show-a vawi thum perform hmasa ber a ni. Mitdel ni chunga zai thiam vanga khawvel deng chhuaktu Stevland Hardaway Morris (Stevie Wonder)hi vawi hnih lai a inlan tawh bawk.

Justin Timberlake  hi ṭum thum ngawt a inlan bawk a, Nelly pawh kum 2001 leh 2004 khan inlanin vawi hnih lai Super Bowl Halftime show-ah hian a perform.

Bruno Mars hi vawi hnih a inlan bawk a, kum 2016 Beyoncé leh Chris Martin-te nena stage-a an che vel phei kha chu mipuiin an lawmin sawi zui a hlawh hle a nih kha. Beyonce pawh hi ṭum hnih lai a inlan tawh a, a inlan hmasak zawk kum 2013-ah phei chuan Destiny's Child-a a bandmate-te nen chhuatrem an chhir ho nghe nghe.