World Cosplay Summit-ah Australia team pakhatna

Japan-a Nagoya khuaah Pathianni khan World Cosplay Summit neih a ni a, Australia team-te chu champion-in, USA chu pahnihna an ni a, France chu pathumna an ni bawk.

Pathianni-a World Cosplay Summit hi a ṭum 17-na a ni tawh a, kuminah hian ram 24 aṭangin an tel. Cosplay summit-a telte hi manga, animation, film, video game leh television programme-a character-te angin an inchei ṭhin a ni.

Kumin summit-ah hian ram 24 aṭangin team 40 zet an tel a, kar hmasa lamah tawh khan summit kick off hi neih niin, Pathianni-a final competition-ah hian team pariat an inel.

World Cosplay Summit hi cosplay festival a ni a, kum 2003 aṭanga buatsaih ṭan a ni a, nikum khan ram 38 aṭangin an fuankhawm a, he festival la len ber ṭum a ni bawk.