Nobel laureate Toni Morrison a thi

A lehkhabu ziah avanga Nobel Prize lo dawng tawh, US author Toni Morrison chu kum 88 mi niin Thawhṭanni khan a thi.

Toni Morrison hian novel 11 a ziak a,  a novel hmasa ber The Bluest Eye chu kum 1970 khan a tichhuak. A lehkhabu ziah avang hian kum 1993 khan Nobel Prize for Literature a dawng. African-American hmeichhiate zinga he chawimawina dawng hmasa ber a ni. 

Kum 1987-a a lehkhabu ziah, sal hmeichhia tlanbo chanchin a ziahna  'Beloved' chu kum 1998-ah film-a siam a ni a, Oprah Winfrey a chang a ni. 'Beloved' vang hian Pulitzer Prize pawh a dawng tawh bawk. “Song of Solomon,” vangin kum 1977 khan National Book Critics Circle Award hlan a lo ni tawh bawk a ni.