Shah Rukh Khan chawimawina hlan dawn

Vawiina Melbourne-a Indian Film Festival  neih turah Shah Rukh Khan chu chawimawina hlan a ni dawn.

Shah Rukh Khan hi a  film chan tawh Deewana, Dilwale Dulhania Le Jayenge leh My Name Is Khan avangtein chawimawina 'Excellence in Cinema award' hlan a ni dawn. Australia Governor of Victoria Linda Dessau chuan chawimawina hi a hlan ang. 

Melbourne, Australia-a Palais Theatre-ah chawimawina hi hlan a ni a dawn a, hetah hian Shah Rukh Khan hi khuallian a ni bawk ang. "He chawimawina min hlan tum hi chawimawina ropui tak a ni a. He hmunah hian India ram hmun hrang hrang aṭanga film industry-a ka thawhpuite nen kan telho thei tur hi ka lawm em em bawk. IFFM-ah hian Linda Dessau nen kan inhmu tur chu ka phur tawh em em a ni," tiin Shah Rukh Khan chuan a sawi.