Hmingtea music video thar 'Isua hmel' tlangzarh
Hmingtea Chhangte Music Video thar 'Isua hmel' tih chu, Aaron's Bliss-ah Panasonic KT Enterprise neitupa Pu Chawngthankhuma chuan nizan dar 8 khan a tlangzarh.
He Music Video hi MDM lamah dah luh a ni a, Zonet lamah pawh tihchhuah thuai tum a ni. Isua hmel hi Hmingtea Chhangte phuah a ni a, Music hi Rpa Ralte kutchhuak a ni bawk. Video leh Audio Recording hi The Bigas Production buaipui a ni a, a music video-ah hian concept hmuhnawm tak tak a in zep nual.
Hmingtea chuan, "Coffee Nite-a zai tura min tih ṭumin ka rilruah mi zawng zawng hian Isua hmel hi a takah hmuchak lo an awm ka ring lo a, mi fel ber leh misual ber pawhin a hmu chak ang. Chuvang tak chuan keimahah zawhna lo lutin Isua hmel hmuta la enge a hnenah i sawi hmasak ber ang? tih rilru pu a phuah chhuak ka ni," tiin Isua hmel a phuah chhan a sawi a ni.