Tuichen vangin Heidi Klum-te nupa in pawisa chawi
Heidi Klum leh a pasal Tom Kaulitz-te chuan an honeymoon hmannaa tui chen phal lohna hmuna an chen avangin euro 6,000 an chawi.
'America's Got Talent' judge hlui leh model lar tak Heidi Klum leh Tokio Hotel guitarist Tom Kaulitz-te hi tunhnaiah khan an innei nawn a, Italy-a Capri thliarkar, Christina O-a honeymoon an hmannaah buaina hi an tawng ta a ni.
Thawhṭanni tlai ni tlak hma deuh khan Capri-a hmun lar tak Blue Grotto-ah tui an cheng a, helai hmun hi lawnga kal chu phal ni mah se tuichen erawh phal a ni lo. Hemi a nih avang hian Italian police-te chuan manin pawisa hi an chawitir ta a ni.
Mi lar tak ni mah se dan bawhchhia an nih miau avangin ngaihnathiamna hi an pe bik lo a nih hmel.