Billboard 200 chart-ah Christian rapper NF No.1

Christian rapper Nathan Feuer­stein (NF) album 'The Search' chuan kar liam ta khan Billboard 200 chart-ah pakhatna a hauh.

Chance The Rapper-a album 'The Big Day' chu pahnihna niin, Ed Sheeran album 'No.6 Collaborations Project' chu pathumna a ni.

Kum 28 mi, Nathan Feuer­stein hian New Musical Express (NME) a interview a neihnaah, a naupan lai aṭanga influence bertu Eminem nen tehkhin nasat a nih thu a sawi. Eminem chu amah influence tu ni mah se a hla thute erawh chuan a influence ve lem lo a ni. Mahse Eminem ang bawkin hun harsa tak tak a tawn avangin rap lamah a kal thu leh ,overdose avangin a nu chu kum 2009 khan a thih thu a sawi bawk.

NF-a album 'The Search' hi a album palina a ni a, kumin July 26 khan tlangzarh a ni. He album-ah hian 'The Search', 'When I Grow Up' leh 'Time' tih hlate chu a lar zualte an ni. "Christian chu ka ni, mahse artist pangngai mai ka ni.

Ka tan chuan Christian ni chunga plumber i nih chuan Christian plum­ber siamtu i ni mai. Chu­tiang deuh chuan ka ngai, " tiin music blog pakhat Idolator-ah a sawi. He album-ah hian ka nun zawng zawng ka hlan a, ka tih duh ang min tihtirtu ka 'Music record label' chungah lawmthu ka sawi bawk a ni, tia sawiin, a album an lei avangin a fan-te chungah a lawm thu social media kaltlangin a sawi bawk.

Christian a nih avang hian zawhna a dawng hnem deuh ṭhin a ni ngei ang, "Christian-te tan music ka siam lo a, mi zawng zawng tan ka siam," tiin Christian ni mah se Christian artist a nih hran loh thu a sawi.

NF-a hlate hi hlathu bawlh­hlawh awm lo a ni a, chumai piah lamah Christian rapper a la ni zui. Hetichunga Billboard 200 chart-a Chance The Rapper leh  Ed Shee­ran-te zuankhuma pakhatna a ni thei hi mite mak tih a hlawh.