Oneness Literature meet hmang

Mizoram UPC kohhran ṭha­lai pawl Pentecostal Youth Depart­ment leh Literature & Publication Board-te buatsaihin Inrinni leh Pathianni khan Oneness Litera­ture Meet hman a ni a, ṭhalai fuankhawm an ṭha hle. 

Dinthar Biak Ina neih Literature Meet-ah hian Oneness Apostolic History, Eizawnna, Zirna, Koh­hran ṭawngkam, Lehkha ziak leh chhiar tih thupui hmang tein inzirtirna neih a ni a, L&PB hnuaia lehkhabu chhuahte lei theih turin chhawpchhuah nghal an ni. 

Inrinni zan aṭanga Pathianni zan thlenga neih Oneness Literature Meet-ah hian Mizoram UPC ṭha­lai huanga zirna leh infiamna lama ti ṭhate chawimawina hun hman a ni bawk. Pathianni zanah revival in­khawma hun hman niin Pastor K. Lalawmpuia, Kawnpui Bial­tuin thu a sawi a, Mizoram UPC Pathian thu zirna Apostolic Theological Institute principal Rev. Thangliansanga ziah 'Kraws Thu' tih chu Rev. H. Lalrawnkima, Mizoram UPC general secretary chuan a tlangzarh nghal.