Laiking chi thar, khawvela reptile te ber?
Madagascar thliarkara Malagasy ramhnuaiah chuan laikhing chi thar tunhnai lawk khan hmuh chhuah a ni a, he laikhing chi thar hi a te hle a, reptile zawng zawng zinga te ber a nih hialin mithiamte chuan an ring!
Kumin January 28-a tihchhuah, Scientific Reports-ah khan he laiking chi thar chungchang hi tarlan a ni a, a hmingah 'Brookesia nana' (B. nana) tih an vuah. Mithiamte chuan hetiang laiking hi a nu leh pa an hmu chhuak a, a nu zawk chu 28.9 mm leka sei niin, a pa zawk phei chu 21.6 mm leka sei a ni.
A tet em avangin a hmingah pawh 'nana' (Nano) hi telh a ni a, Madagascar hmar lamah hian laiking te chi a awm nual a, chung laiking te chi dangte nen chuan an la inhnaih hle nia ngaiin mi thiamte chuan an laiking hmuh chhuah thar aia te reptile hi an la hmuh ngai loh thu an sawi.
Zirmite chuan Malagasy ramhnuai hi tichereu zel a nih chuan B. nana-te hmalam hun atan hian a pawi thui thei hle dawn tih sawiin Malagasy sorkar pawhin laiking an hmuh chhuahna hmun vel hi ram venhim bikah a hmain a lo puang sa tawh hrim hrim. Nakin lawkah chuan B. nan-te pawh hi mang mai hlauhawm nungcha zingah telh thuai an la nih rin a nih thu ScienceNews chuan a tarlang.
I hriA em?
• Kum 2015 June thla thleng khan laiking hi chi 202 an hmu chhuak tawh.
• Laiking chi hriat tawh zinga a zahve deuhthaw hi Madagascar-a mi an ni.
• Laikingte hi laitel angin an mei a bunin a ṭo thei tawh lo.