Henry Cavill 'Superman' a lang dawn lo!

Nikum lamah khan report hrang hrangin  DC Film 'Shazam! Fury of the Gods'-ah Henry Cavill 'Superman' a lang dawn niin sawi mah se Variety chuan a lang dawn lo tiin tunhnaiah khan an sawi leh tlat mai.

Variety chuan thu-dawnna pahnih an nei tih sawiin a inlan dawn lo tih hi an tarlang.

Shazam film hmasaah khan a tawpah a hmel lang si loin Superman hi hmuh tur a awm a, mahse khata Superman lema chang kha Cavill ni loin stunt performer Ryan Handley a ni.

Director David F. Sandberg chuan Shazam film-a Superman cape ha tur dik tak kha Cavill a nih thu erawh twitter lamah a sawi lang a, film chanve vel an chan thleng kha chuan cameo-a Cavill-a Superman kha inlantir an la tum reng a ni. Mahse a tawpah erawh a inlan thei ta lo.

Nikum May thlaah khan Shazam! Fury of the Gods'-ah hian Cavill hi cameo-in a lang dawn tih sawilan a ni vek tawh a, Cavill ngei pawh hian a Superman cape chu closet-ah a la khai ṭha reng tih Esquire a hrilh nghe nghe. Khami hnu khan thuthang a tam nghal hle. 

Henry Cavill hian Superman lem pawh a la rawn chang leh dawn pawh a ni mai thei, mahse Shazam 2-ah erawh a la rawn inlan leh rih dawn lo a ni mahna.