Facebook-in $mtd 550 chawi dawn

Social Media giant Face­book chuan Illinois-a an application user-te'n face-tagging techno­logy chungchanga an khinna thubuai remna turin $maktaduai 550 an chawi dawn.

Illinois-a Facebook hmang­tu Nimesh Patel, Adam Pezen leh Carlo Licata-te chuan May 2015 khan Facebook lakah hian thubuai thehlutin biometric privacy rights bawhchhiaah an puh a ni. An technology hman thlalaka midang 'tag' tura 'suggestion' rawn awm chuan  Illinois Biometric Information Privacy Act bawhchhiain, an phalna loin an biometric data an lo chhinchhiah a ni, an ti.

Hemi chungchangah hian Nilaini khan law firm pathumte'n thuchhuah inṭawm siamin Facebook-in pawisa tam tak a chawi tur thu hi an tarlang a, Social Media giant lam pawh hian an chawi tur hi pawmin an chawi tur ang zat chu an chawi mai dawn tih an sawi.