Taylor Swift-i'n A fan leiba rulhsak

Taylor Swift chuan a fan pakhat, University of Waterloo zirlai Ayesha tuition leh in luahman ba a rulh sak. 

Ayesha hian kum 2018 Au­gust thla-a Tay­lor Swift-i'n Re­putation Sta­dium Tour a neih ṭum khan a zaithiam ngaih­san tak hi a lo hmu tawh a ni. Hemi hnu hian Tumblr lamah an inbe zui ṭhin. 

Tunhnaiah Ayesha hian Tumblr-ah sum lama harsatna a tawh chungchang hi a post a, hei hi 'ME!' singer hian lo hmuin, a leiba rulhna turin Ayesha hi US dollar 4,828.52 a thawn ta a ni. Ayesha chuan, "Tuition fee pek turah ka buai thu ka post hnu darkar hnih lekah Taylor Swift hnen aṭang hian email dawngin, special gift min thawn thu ka dawng a ni," tiin a lawm avang hian sawi tur pawh a hriat loh thu leh, a ṭah nasat thu a sawi. Ayesha hian an tuition fee hi tihsan a nih avangin harsatna a tawk tih a sawi a, mahse Taylor-i thilpek avang hian semester tluan atana a fee leh a in luah man pawh a pe thei ta tih a sawi bawk. 

Taylor Swift hla thar, Lover' chu August 16, Zirtawpni hian tlang­zarh a ni dawn a, a studio album pasarihna tur, 'Lover' chu August 23-ah tihchhuah a ni bawk ang.